எழுத்ததிகாரன்

மேஷம்

பொது: பண வரவுக்கு குறைவிருக்காது. உங்கள் காரியங்களில் சிலவற்றில் தான் வெற்றி கிடைக்கும். மனதில் ஏதோ ஒருவித குழப்பம் இருந்து கொண்டே இருக்கும். அலைச்சல் அதிகரிக்கும்.

பெண்களுக்கு: குடும்ப ஒற்றுமையை காக்க பாடுபடுவீர்கள். கணவரிடம் ஏட்டிக்குப் போட்டியாக பேச வேண்டாம். தடைபட்ட சுப நிகழ்ச்சிகள் நல்லபடியாக நடக்கும். குழந்தைகளின் நலனில் கவனம் செல்லும்.

வேலை பார்ப்போருக்கு: உங்கள் பொறுப்பில் உள்ள ஆவணங்களை பத்திரமாக வைத்துக் கொள்ளவும். உயர் அதிகாரிகள் ஆதரவாக இருப்பார்கள். அதனால் சிலருக்கு ஊதிய உயர்வு கிடைக்கும். வியாபாரிகளுக்கு பண வரவு தாமதமாகலாம்.

ரிஷபம்

பொது: தக்க நபர்களின் உதவியோடு உங்கள் காரியங்களை வெற்றிகரமாக செய்து முடிப்பீர்கள். பண வரவு அதிகரிக்கும். உற்றார் உறவினர்கள் உதவிகரமாக இருப்பார்கள். எதிரிகளின் பலம் குறையும்.

பெண்களுக்கு: குடும்பத்தாரிடம் நல்லபெயர் எடுப்பீர்கள். கணவர் பாசமாக இருப்பார். குழந்தைகளால் மகிழ்ச்சி அடைவீர்கள். பெரியவர்களின் உடல்நலனில் கவனம் செலுத்தவும்.

வேலை பார்ப்போருக்கு: கொடுக்கும் வேலைகளை திறம்பட செய்து முடிப்பீர்கள். உயர் அதிகாரிகள் பாராட்டும்படி நடந்து கொள்வீர்கள். சக ஊழியர்களை அனுசரித்துச் செல்லவும். வியாபாரிகளுக்கு பணம் கொடுக்கல் வாங்கல் சிறப்பாக இருக்கும்.

மிதுனம்

பொது: சிலர் புதிய வீட்டுக்கு மாறக்கூடும். புனித பயணம் சென்று வருவீர்கள். நல்ல செய்தி உங்களை தேடி வந்து மகிழ்விக்கும். திறமை மேம்படும்.

பெண்களுக்கு: குழந்தைகள் அதிக மதிப்பெண் வாங்குவது மனதிற்கு மகிழ்ச்சி அளிக்கும். கணவன் மனைவி இடையே ஒற்றுமை அதிகரிக்கும். குடும்பத்தார் மீது பாசமாக இருப்பீர்கள். சமையல் அறையில் வேலை செய்யும்போது கவனமாக இருக்கவும்.

வேலை பார்ப்போருக்கு: அலுவலகத்தில் சுமூகமான சூழல் நிலவும். சிலருக்கு பதவி உயர்வு பெறுவதற்கான வாய்ப்புகள் உண்டாகும். எதிர்பார்த்த கடன் தொகை கிடைக்கும். வியாபாரிகளுக்கு வியாபாரம் சிக்கல் இன்றி நடக்கும்.

கடகம்

பொது: பிறருக்கு உதவி செய்து மகிழ்வீர்கள். திட்டமிட்ட காரியங்கள் அனைத்தும் வெற்றிகரமாக முடியும். வீண் செலவுகள் ஏற்படலாம். தேவையில்லாத பயணங்களை தவிர்ப்பது நல்லது.

பெண்களுக்கு: குடும்பத்தார் மகிழ்ச்சியாக இருப்பார்கள். புதிய ஆடை, ஆபரணங்கள் வாங்கி மகிழக்கூடும். உடல் நலனில் கவனம் செலுத்தவும். விலை உயர்ந்த பொருட்களை பத்திரமாக வைத்துக் கொள்ளவும்.

வேலை பார்ப்போருக்கு: வேலைகளை திறம்பட செய்து முடிப்பீர்கள். உயர் அதிகாரிகள் உதவிகரமாக இருப்பார்கள். சக ஊழியர்களிடம் உங்கள் வேலையை ஒப்படைக்க வேண்டாம். வியாபாரிகள் புதிய வாடிக்கையாளர்களை கவர முயற்சி செய்வீர்கள்.

சிம்மம்

பொது: சமுதாயத்தில் உங்களின் மதிப்பும், மரியாதையும் அதிகரிக்கும். எதிரிகள் விலகிவிடுவார்கள். நினைத்த காரியங்கள் நினைத்தபடியே நடக்கும். யாருக்கும் வாக்கு கொடுக்க வேண்டாம்.

பெண்களுக்கு: எதிலும் நிதானம் தேவை. கணவருடன் வீண் வாக்குவாதத்தில் ஈடுபட வேண்டாம். உறவினர் வீட்டு சுபநிகழ்ச்சியில் கலந்து கொண்டு மகிழக்கூடும். ஆன்மீகத்தில் நாட்டம் அதிகரிக்கும்.

வேலை பார்ப்போருக்கு: உயர் அதிகாரிகள் உங்கள் நலனில் அக்கறை காட்டுவார்கள். சக ஊழியர்களால் வேலை பளு குறையும். உங்கள் பொறுப்பில் உள்ள பணத்தை பத்திரமாக வைத்துக் கொள்ளவும். வியாபாரிகளுக்கு எதிர்பார்த்தபடியே லாபம் கிடைக்கும்.

கன்னி

பொது: சிலருக்கு அதிர்ஷ்ட வாய்ப்புகள் உண்டாகும். வரவை விட செலவுகள் அதிகரிக்கும். நீங்கள் எடுக்கும் காரியங்கள் அனைத்தும் நல்லபடியாக முடியும். யாரையும் பகைத்துக்கொள்ள வேண்டாம்.

பெண்களுக்கு: குடும்பத்தில் நிம்மதி இருக்கும். குழந்தைகளின் உடல்நலம் பாதிக்கப்படலாம். உறவினர் ஒருவருடன் இருந்து வந்த பிரச்சனை பெரியோர்களின் தலையீட்டால் தீரும். திட்டமிட்ட சுப காரியங்கள் திட்டமிட்டபடியே நடக்கும்.

வேலை பார்ப்போருக்கு: சிலருக்கு எதிர்பாராத பதவி உயர்வும், ஊதிய உயர்வும் கிடைக்கும். வேலை பளு அதிகரிக்கும். சக ஊழியர்களிடம் உங்களின் ரகசியங்களை கூற வேண்டாம். வியாபாரிகளுக்கு எதிரிகளால் பிரச்சனை ஏற்படலாம்.

துலாம்

பொது: சிலருக்கு வீடு வாங்கும் யோகம் உண்டு. சமுதாயத்தில் உங்கள் அந்தஸ்து உயரும். கடினமான வேலைகளையும் திறம்பட செய்து முடிப்பீர்கள். உடல் நலம் சிறப்பாக இருக்கும்.

பெண்களுக்கு: மனம் மகிழும் செய்தியைக் கேட்பீர்கள். குழந்தைகளின் கோரிக்கைகளை நிறைவேற்றி வைப்பீர்கள். குடும்பத்தார் ஒற்றுமையாக இருப்பதை பார்த்து மகிழ்வீர்கள். மனக் குழப்பங்கள் தீரும்.

வேலை பார்ப்போருக்கு: எதிர்பார்த்த கடன் தொகை கிடைக்கும். சக ஊழியர்கள் உதவிகரமாக இருப்பார்கள். உழைப்புக்கேற்ற ஊதியம் உண்டு. வியாபாரிகள் லாபத்தை அள்ளுவர்.

விருச்சிகம்

பொது: ஆன்மீக பலம் அதிகரிக்கும். கொடுத்த வாக்கை எப்பாடுபட்டாவது காப்பாற்றுவீர்கள். உறவினர்கள் தானாக வந்து உதவி செய்வார்கள். முக்கிய ஒப்பந்தங்களில் அவசரப்பட்டு கையெழுத்திட வேண்டாம்.

பெண்களுக்கு: கணவரிடம் பாராட்டு பெறுவீர்கள். யாரையும் துச்சமாக நினைத்து பேச வேண்டாம். குல தெய்வ வழிபாடு செய்ய திட்டமிடுவீர்கள். உணவு விஷயத்தில் கவனமாக இருக்கவும்.

வேலை பார்ப்போருக்கு: உயர் அதிகாரிகளின் உத்தரவுப்படி முக்கிய வேலை ஒன்றை செய்து முடிப்பீர்கள். உயர் அதிகாரிகள் ஆதரவாக இருப்பார்கள். அடுத்தவர்களின் குடும்ப விஷயத்தில் தலையிட வேண்டாம். வியாபாரிகளுக்கு எதிர்பார்த்தபடி லாபம் கிடைக்கும்.

தனுசு

பொது: யாருக்கும் உங்கள் பெயரில் கடன் வாங்கிக் கொடுக்க வேண்டாம். தடைகளைத் தாண்டி உங்களின் காரியங்களை நல்லபடியாக செய்து முடிப்பீர்கள். உறவினர்களை அனுசரித்துச் செல்வீர்கள். வாகனத்தில் செல்லும்போது கவனம் தேவை.

பெண்களுக்கு: இல்லதத்தில் சுப நிகழ்ச்சிகள் நடத்தி மகிழக்கூடும். குடும்பத்தார் ஒற்றுமையாக இருப்பார்கள். கணவனம் மனைவி இடையே அன்பும், பாசமும் அதிகரிக்கும். குழந்தைகளால் பெருமை அடையக்கூடும்.

வேலை பார்ப்போருக்கு: பணி நிமித்த பயணங்களால் நன்மை உண்டு. உயர் அதிகாரிகளை அனுசரித்துச் செல்வீர்கள். சிலருக்கு ஊதிய உயர்வு கிடைக்கும். வியாபாரிகளுக்கு கடன்கள் வசூலாகும்.

மகரம்

பொது: உடன் பிறப்புகளுடன் இருந்து வந்த பிரச்சனை தீரும். வெற்றி மீது வெற்றி பெறுவீர்கள். சமுதாயத்தில் நல்ல பெயர் எடுப்பீர்கள். பண வரவு சீராக இருக்கும்.

பெண்களுக்கு: தேவையில்லாமல் மனதை போட்டுக் குழப்பிக் கொள்ள வேண்டாம். உறவினர்களிடம் எச்சரிக்கையாக இருக்கவும். குழந்தைகள் கேட்கும் பொருட்களை வாங்கிக் கொடுப்பீர்கள். பழைய கடன்பாக்கிகளை திருப்பிக் கொடுப்பீர்கள்.

வேலை பார்ப்போருக்கு: உயர் அதிகாரிகளை அனுசரித்துச் செல்வது நல்லது. நீங்கள் உண்டு உங்கள் வேலை உண்டு என்று இருக்கவும். சக ஊழியர்களை பற்றி யாரிடமும் விமர்சிக்க வேண்டாம். வியாபாரிகள் அலைபாயும் மனதை கட்டுப்படுத்தவும்.

கும்பம்

பொது: உற்சாகமாக காணப்படுவீர்கள். யாருக்கும் ஜாமீன் கையெழுத்திட வேண்டாம். எடுக்கும் காரியங்களில் சிலவற்றில் தான் முன்னேற்றகரமான பலன் கிடைக்கும். உடல் நலனில் கவனம் செலுத்தவும்.

பெண்களுக்கு: ஆடை, ஆபரண சேர்க்கை உண்டு. வீட்டுக்குத் தேவையான அதிநவீன பொருட்கள் வாங்குவீர்கள். பணப் புழக்கம் நன்றாக இருக்கும். குழந்தைகளின் உடல்நலம் பாதிக்கப்படும்.

வேலை பார்ப்போருக்கு: அலுவலக சூழலில் மாற்றம் ஏற்படும். வருமானத்திற்கு குறைவிருக்காது. சக ஊழியர்களுடன் பிரச்சனை ஏற்படலாம். வியாபாரிகளுக்கு லாபம் அதிகரிக்கும்.

மீனம்

பொது: அலைச்சல் அதிகரிக்கும். கோபத்தை குறைத்துக் கொள்வது நல்லது. பண வரவு நன்றாக இருக்கும். வாக்கு கொடுத்துவிட்டு அதை நிறைவேற்ற அல்லாட வேண்டாம்.

பெண்களுக்கு: கணவன் மனைவி இடையேயான ஒற்றுமை சுமாராகத் தான் இருக்கும். தந்தை வழி உறவினர்களால் நன்மை அடையக்கூடும். திடீர் செலவுகள் ஏற்படும். தடைபட்ட சுப நிகழ்ச்சிகளை நடத்த முயற்சி செய்வீர்கள்.

வேலை பார்ப்போருக்கு: உயர் அதிகாரிகளின் கெடுபிடி அதிகரிக்கும். சிலருக்கு விருப்பமில்லாத இடத்திற்கு மாற்றம் கிடைக்கும். வேலை பளு அதிகரிக்கும். வியாபாரிகள் எதிலும் பொறுமையாக இருப்பது நல்லது.